// Kodinly Learn
منصتك أونلاين، الطلاب بيدفعوا فوري أو بكود، وأنا مسؤول عن كل حاجة تقنية.
بدل ما تجمع سكرينات فودافون كاش وتبعت لينكات على تليجرام — منصة واحدة فيها كورساتك، امتحاناتك، والفلوس بتنزل في حسابك أنت.
كلمنيلو بتبيع دروسك أونلاين دلوقتي، غالبًا:
- بتقعد تراجع سكرينات تحويل من الطلاب وتفعّل كل واحد بإيدك.
- بتبعت لينكات على جروبات تليجرام وواتساب ومش عارف مين دفع ومين لأ.
- مفيش عندك مكان واحد تعرف منه درجات الطلاب ومين بيذاكر ومين واقف.
- وكل ما تعمل حاجة تقنية بتاخد من وقت الشرح والتحضير.
هتاخد إيه
موجود دلوقتي
- كورسات ومحاضرات وامتحانات بدرجات، وتعرف كل طالب وصل لحد فين.
- الطالب يدفع فيزا أو محفظة أو فوري أو إنستاباي — أو بكود شحن تبيعه في السنتر.
- محفظة للطالب: يشحن مرة ويشتري منها أكتر من كورس.
- لوحة تحكم ليك تضيف منها الكورسات وتتابع الطلبات والمدفوعات.
قريبًا
المنصة باسمك ودومينك
قريبًااللوجو والألوان بتاعتك.
حماية الفيديو من السرقة
قريبًاعلامة مائية برقم موبايل الطالب، وحد أقصى للأجهزة.
الفلوس بتروح فين؟
فلوس الطلاب بتنزل في حسابك أنت على Kashier، مش عندي.
أنا مبلمسش فلوس طلابك خالص.
- 1بساعدك تفتح حساب Kashier باسمك (أو نربط حسابك لو موجود).
- 2الطالب يدفع بالفيزا أو المحفظة أو فوري أو إنستاباي، أو يفعّل بكود.
- 3الفلوس تنزل في حسابك على Kashier (بعد رسومهم وفي مواعيد التحويل بتاعتهم)، والكورس يتفتح للطالب أوتوماتيك.
بتشتغل إزاي
- 01
نتكلم 15 دقيقة
في مكالمة — تحكيلي بتشتغل إزاي دلوقتي.
- 02
أجهزلك المنصة
وأرفع معاك أول كورس.
- 03
تبدأ تبيع
وأي مشكلة تقنية عليّ أنا: الاستضافة، التحديثات، والدعم.
أسئلة بتتسأل كتير
طلابي متعودين على تليجرام، ليه يغيروا؟
الطالب بيدخل من لينك واحد على موبايله، يدفع والكورس يتفتح على طول من غير ما يستناك تفعّله. وتقدر تفضل تستخدم تليجرام للإعلانات.
طلابي مش بيدفعوا أونلاين.
مش لازم. اطبع أكواد شحن وبيعها كاش في السنتر أو المكتبة، والطالب يفعّل بيها الكورس. واللي عايز يدفع فوري يقدر من أي ماكينة فوري.
الفيديوهات ممكن تتسرق؟
بصراحة: الحماية لسه شغالين عليها (علامة مائية برقم الطالب وحد أقصى للأجهزة). مفيش منصة بتمنع التسجيل 100%، بس دي هتصعّبها جدًا.
مين هيساعدني لو حصلت مشكلة؟
أنا شخصيًا. الإعداد بعمله معاك، وأي مشكلة تقنية بتكلمني مباشرة — مش تذكرة دعم وتستنى.
عايز تشوف المنصة بعينك؟
احجز مكالمة 15 دقيقة وأوريك المنصة شغالة قدامك على الشاشة.
احجز مكالمة 15 دقيقة